ဖျာပုံမြို့အဝင်စစ်ဆေးရေးဂိတ်နှင့် ထွေအုပ်ဧည့်ရိပ်သာ မိုင်းပေါက်ကွဲမှုတွင် ရဲ၅ဦး ပြင်းထန်ဒဏ်ရာရ
မင်းထက်
ဧရာဝတီတိုင်း၊ ဖျာပုံမြို့ ဖျာပုံ-ကျိုက်လတ် အဝေးပြေးလမ်းမ၊ ချောင်းတွင်းတံတားခြေဆင်းရှိ မြို့အဝင် စစ်ဆေးရေးဂိတ်နှင့် ဖျာပုံမြို့ ဒုတိယလမ်းမကြီးပေါ်ရှိ အထွေထွေအုပ်ချူပ်ရေးဧည့်ရိပ်သာ မိုင်းခွဲတိုက် ခိုက်မှုတွင် ရဲတပ်ဖွဲ့ဝင်ငါးဦး ပြင်းထန်ဒဏ်ရာများရရှိသွားကြောင်း Black Dragon Commando တပ်ဖွဲ့ တာဝန်ခံ ဗိုလ်နိုင်းဒီကပြောသည်။
“ ဒုရဲအုပ်တစ်ယောက်တော့ တော်တော်ထိတယ်ဗျ။ ခြေထောက်တောင် ဖြတ်ရနိုင်တယ်။ မသေတာပဲ အံ့ဩတယ်။ မိုင်းနဲ့သူနဲ့ နှစ်ပေလောက်ပဲခြားတာ၊ အဲဒါကို ဘာမှမဖြစ်ဘူးဆိုပြီး သတင်းလွှင့်နေတယ်။ ဘန်ကာတောင် တခြမ်းစောင်းသွားတာဗျာ။ အဲဒါကချောင်းတွင်းဂိတ်ပေါ့နော်။ ဒီကောင်တွေစစ်ပြီးအပြန် ပြန်ဝင်လာတော့ ရဲကားကိုမိုင်းထပ်ဆွဲတာပါ။ မြို့နယ်မှူးတွေ၊ ခရိုင်မှူးတွေကားတွေက Jammer (တယ်လီဖုန်းလှိုင်းနှောက်စက်)တွေပါလာတော့ ကံကောင်းသွားတာ။ မိုင်းဆွဲတာက အတော် ပြင်းတယ်။ Jammer တွေပါတော့ နောက်ဆုံးကဝင်တဲ့ရဲကားကိုပဲ ဆွဲလို့ရလိုက်တယ်။ ဟိုက်ဂျက်ပေါ်မှာ ခုနစ်ယောက်လောက်ပါတယ်။ နည်းနည်းလွဲသွားတော့ အနောက်ခြမ်းပဲထိတယ်။ အဲဒီမှာ ရဲလေးယောက် ထိတယ်လို့သိရတယ်။ နှစ်ယောက်က ပြင်းတယ်လို့လဲ သိထားရတယ်။ ထူးထူးဆန်းဆန်းပဲဗျ ကျွန်တော်တို့ကို ကားရပ်ပြီး လိုက်ပစ်မယ်ထင်တာ မရပ်ဘူး တစ်ခါတည်းစခန်းဘက်မောင်းပြေးသွားကြတယ်” ဟု ဗိုလ်နိုင်းဒီကဆို သည်။
Black Dragon Commando တပ်ဖွဲ့အနေဖြင့် ဇူလိုင်လ ၂၈ ရက်နေ့ နံနက် ၁၀ နာရီဝန်းကျင်ခန့်အချိန်က ဖျာပုံ-ကျိုက်လတ်အဝေးပြေးလမ်းမရှိ ချောင်းတွင်းတံတား ခြေဆင်းဂိတ်ကို ဖောက်ခွဲတိုက်ခိုက်ခဲ့ခြင်း ဖြစ်သည်။
၎င်းအပြင် ယင်းနေ့ နံနက် ၁၁ နာရီ ၂၈ မိနစ်၌ ဖျာပုံဒုတိယလမ်းမကြီးပေါ်ရှိ အထွေထွေအုပ်ချုပ်ရေး ဧည့်ရိပ်သာအား အင်အားပြင်းဆိုင်ကယ်မိုင်းဖြင့် ထပ်မံဖောက်ခွဲတိုက်ခိုက်ခဲ့ကြောင်းလည်း သိရသည်။
အဆိုပါ ပေါက်ကွဲမှုများအပြီး ညပိုင်းတွင် စစ်ကောင်စီတပ်များနှင့်ရဲများက သေနတ်ခြောက်လှန့်ပစ်ခတ် မှုများပြုလုပ်ပြီး ဒေသခံ ၂၀ ကျော်ကို မတရားစွပ်စွဲဖမ်းဆီးသွားကြောင်း ဒေသခံများထံမှသိရသည်။
လက်ရှိတွင် မတရားဖမ်းဆီးခံရသူများကို ဖျာပုံရဲစခန်းနှင့် ဖျာပုံမြို့နယ် စစ်ကောင်စီ၏စစ်ကြောရေးတွင် စစ်ဆေးမှုများပြုလုပ်နေသည်ဟု ဒေသခံများ၏ပြောကြားချက်အရ သိရသည်။
#Mizzima
#ဖျာပုံမြို့နယ်
#မိုင်းပေါက်ကွဲမှု
#Black_Dragon_Commando
------------------------
မဇ္ဈိမကို လွတ်လပ်တဲ့ မီဒီယာအဖြစ်ရပ်တည်နိုင်ရေးအတွက် ဝိုင်းဝန်းကူညီဖို့ ဖိတ်လီုက်ပါရစေ.လင့်ကို နှိပ်ပြီး သင်ရဲ့အားပေးကူညီမှုကို စတင်နိုင်ပါတယ်. https://bit.ly/2VhJ12U
နောက်ဆုံးရ သတင်းနှင့် အခြားစိတ်၀င်စားစရာအစီအစဥ်တွေ ကြည့်ရှုနိုင်ဖို့ subscribe လုပ်ပြီး
All Notification ဖွင့်ထားဖို့ တိုက်တွန်းလိုက်ပါရစေ.
Free Download Mizzima TV App http://onelink.to/jnuwak/
Follow us on other platforms :
Facebook ( Myanmar Language) https://www.facebook.com/MizzimaDaily/
Facebook (English language) https://www.facebook.com/MizzimaMyanmarNews/
Facebook (Mizzima+TV) https://www.facebook.com/mizzimaplustv
Twitter https://twitter.com/MizzimaNews/
Telegram https://t.me/mizzimatv/
Website :
https://www.mizzima.com
https://www.mizzimaburmese.com
...............................................
About Us :
Mizzima TV is an Online TV content provider that is run by Burmese journalists who are based in neighboring countries of Burma (Myanmar).We strive to produce world-class contents for Burmese as well as those who care about Burma affairs.
......................................................